Австрин миграцин сервис шайн махкара араваккха дагахь ю Дудаев ЖовхIаран йишин кIентан кIант 22 шо долу Таипов Малик. Цунах лаьцна хаам бина ше фейсбукерчу агIонехь Нохчийчоьнан хьалхарчу президентах йисинчу Дудаева Аллас.Цо билгалдаккхарехь, Таипов Австрехь веха масийтта шо ду. МухIажиран тховкIело яларе ладоьгIуш, немцойн мотт а Iамийна, универститете деша ваха кечлуш хилла иза.
Дудаевас дийцарехь, Нохчийчоьнан хиллачу президентан дийна бисина берриг а аьлча санна гергарнаш махках бевлла, республикехь шолгIа тIом баьллачул тIаьхьа.
Оьрсийчохь Таипов, дIа а лаьцна, чуволла кхерам бу, боху Дудаева Аллас.
https://www.radiomarsho.com